Sunday, September 30, 2018

Drug dealer sa Naga City, nahulog sa kamot kan PDEA



NAGA CITY (Bicol Standard) -- Pig confirmar kan PDEA kasuodma na naka comfiscar sinda nin carculadong kantidad P340,000 na shabu hale sa pig susuponiran na para tinda kaini, sa hotel sa Naga City kasuodma.

An suspechado na para tinda nin druga iyo si Felipe Sabdao, alyas Don, 32, taga Brgy. Salugan, Camalig, Albay.

Dinakop siya kan mga awtoridad sa ginibong buy bust operation sa Moraville Hotel sa Brgy. Mabolo, Naga City.

Nangyari an buy bust kan Sabadong poco mas o menos alas 3:00 nin hapon, sabi ni PDEA Bicol acting chief Christian Frivaldo.

Duwang plastic packets na may laog nin 50 gramos nin methamphetamine hydrochloride (shabu) an nakua sa poder kan suspechado.

Sa presente, an Chevrolet Camaro sports car na sadire kan suspechado an pig impound kan PDEA, sabi ni Frivaldo.

Segun sa pahayag ni Frivaldo sa 13ng nadakop ninda na high value targets sa laog nin sarong semana, kabale na si Sabdao, nag abot na sa kantidad P850,000 an valor kan druga na saindang nacompiscar digdi sa Camarines Sur.
Share:

Featured Post

Maternal love

MATERNAL LOVE. A mother weaves a basket which she will sell while waiting to pick up her child at the gate of an elementary school in G...