Friday, September 7, 2018

DOLE Bicol: Mga empleado may aumento sa sweldo



LEGAZPI CITY - An mga obreros digdi sa Bicol makakarecibe nin aumento sa saindang sweldo poon sa Sept 21, sabi sa report na pinaluwas kan Department of Labor and Employment (DOLE) kasuodma.

Segun ki Atty. Alvin Villamor, an Regional Director kan DOLE sa Bicol, an dagdag sa sweldo yaon sa pag-oltanan kan P20 hasta P30, na itatao sa duwang pago.

An primerong pago nakatalaan na itao sa Septiembre 21, 2018, para sa gabos na establisimiento, maski pira an saindang empleado.

An ika duwang pago P5 asin P15 sa Mayo 1, 2019, para sa may 10 na empleado o labi pa asin 9 na empleado o mas dikit pa, respectibamente.

Nin huli sa increase na ini sa minimum na sweldo, an P290 magiging P310 para sa establisimiento na may 10ng empleado o labi pa.

Para sa may empleado na 9 o mas dikit pa, an minimum na sweldo paghale sa P290 magigi nang P310 an aldiya.

An paglangkaw sa sweldo sa Bicol inaprobaran kan National Wages and Productivity Commission asin kan Regional Tripartite Wages and Productivity Board sa Region V, pakatapos nin serye nin consultasyon asin public hearings na ginibo kan board.

An Bicol region iyo an pinaka grabeng tinamaan kan naglangkaw na maray na inflation rate, na nag abot sa 9%, sabi sa datus na hale sa Philippine Statistics Authority.

Digdi sa Bicol may pinakahalangkaw na dinagdag sa presyo kan sira, bagas, gulay asin carne.
Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...