Tuesday, September 11, 2018

BAGYO | DA Bicol, mapasubli nin combine harvester/thresher sa mga parauma



PILI, Camarines Sur (Bicol Standard) – Ipapasubli kan Department of Agriculture Regional Office sa Bicol an duwang combine harvester/thresher kan opisina rehiyonal sa San Agustin, Pili sa mga interesadong parauma para anihon mga paroy na pwede nang anihon para maisalbar sa duros o sa baha.

Ini pig-anunciar kan oficina kan magputok an bareta na may paabot na bagyo na madara nin mahiwas na pag-uran sa Bicol.

Apuwera sa duwang unit na nasa DA regional office igwa man nin mga combine harvester sa mga Research Outreach Stations kan DA sa Asid, Masbate City; Calasgasan, Daet, Camarines Norte; Cabid-an, Sorsogon City; asin Camalig, Albay na pig-abisuhan na sublion kan DA para magamit sa pag-ani kan mga pwede nang anihon.

Para duman sa mga nakaani na, idiretso na paalangon an mga paroy sa mga flatbed dryers na nakabariwas sa mga kooperatiba, asosasyon asin LGUs sa dakul na lugar sa rehiyon Bikol.

Para dai mabasa ang mga naka-stock na paroy, abono asin banhi tahuban ini kan laminated sacks.
Duman sa mga lugar na binabaha darahon an mga ataman na hayop sa halangkaw na lugar o sa mga pig-disignar na evacuation center para sa mga hayop. Mag-pasiguro nin pambahog para sa hayop o kaya gibohon an cut and carry para makasigurong igwang pambahog sa mga ataman na hayop.
Gibohon an pruning kan mga kahoy para maibitaran an pagkatumba o pagkaputol kan mga sanga.

Kun dai maibitaran na tamaan kita kan bagyo, an DA pirming igwang handang mga pantanom o banhi para sa rehabilitasyon.

Mientrastanto, nagpagiromdom an DA sa publiko na maghanda, magpasiguro, mag-arang po kita asin magpangadye na maglihis an bagyo sa satuyang rehiyon.
Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...