Sunday, September 2, 2018

Anibersaryo ni Gen Simeon Ola pig romdom



GUINOBATAN, Albay (Bicol Standard) Ginatos na mga taga Albay an nagtiripon kasuodma (Domingo) tanganing romdomon an ika 153 na anniversaryo ni Gen. Simeon Arboleda Ola, an ultimong Filipino na general na nag suko sa mga Americano sa pagtapos kan guerra kan Pilipinas asin America.

Segun ki Alkalde Ann Ongjoco, kan Guinobatan, Albay, dapat tawan honra kan mga Bicolano si Ola nin huli sa dakulang contribusyon sa katalingkasan kan nasyon sa kamot kan mga dayuhan.

Pinanginotan kan gobierno municipal an halipot na programa, na kabale an pag-itaas kan bandera kan Pilipinas asin kan revolutionary flags kasabay an 21ng gun salut, sa pag honra kan isog asin kusog nin boot ni Gen Ola.

Igwa man nin mga burak na pig atabang kan mga official kan gobierno lokal asin mga police asin military officers sa saiyang shrine sa centro kan Guinobatan.

Nag surrender si Ola sa mga Americano kan Sep 25, 1903, kaiba an 28 kan saiyang mga tawohan asin official, sa condisyon na tatawan sinda nin amnestiya.

Nag atubang bista si Ola asin na sentenciahan na mapriso sa laog nin tulong decado, alagad tinawan nin kapatawadan kan 1094.

Tulong clase nin rasa na naglupig sa Pilipinas an saiyang nalampasan -- an mga Spaniards, Americano asin Japanese -- kan 1898, 1945 asin 1946.

Binawian siya nin buhay kan Feb 14, 1952, asin pig lubong sa Roman Catholic Cemetery sa Guinobatan.
Share:

Featured Post

Quack dentist arrested in Naga City

Photo courtesy of Dr. Albeus NAGA CITY (Bicol Standard) – A person believed to be a quack dentist was arrested by authorities as he was...