Sa report ni P/Chief Insp Joseph Jarabelo, hefe kan pulis digdi na an magurang kan omboy nag-ako sainda na hararom na maray asin nanok na entero si saindang pagkaturog nin huli halawig na bulog kan uran asin malipot an panahon.
Sabi sa pag siyasat, kan naguimata an mga magurang kan omboy, biyo ining nataranta, ta mayo na sa kataid ninda an kadurog na aki.
Pirang minutos sana, nadiscubre an omboy na yaon sa irarom o sirong kan saindang harong, mayo na nin buhay.
Sabi sa report, posible na amay naguimata an omboy, nagkamang hale sa higdaan, asin nahulog sa labot kan salog derecho sa sirong kan harong, na kan panahon na ito, halangkaw na an tubig na huli kan makusog na hugnak kan uran.
An harong kan familya kan biktima yaon sa guilid kan salog, kaya kun minalangkaw an tubig, inaabot an sirong kan saindang pig eestaran.
