Wednesday, September 5, 2018

4 nadakop sa buy-bust sa CSur


NAGA CITY (Bicol Standard) -- Tinuklo mga tawohan kan Anti-Narcotics operatives an 4 na tawo, kabale an Indian national, na suspechadong nagpapabakal nin shabu sa magkasuway na operasyon kan Lunes asin Martes sa Camarines Sur, sabi sa police report kasuodma, Sept 4.

Si Manuelito alias Yonon asin Juvi, pareyo man apelyedong De Lima, na residentes kan Iriga City, an inarestar kan mga police operatives sa bisa kan search warrants sa saindang residencia sa Brgy. San Francisco, Iriga City, alas 3:55 nin amay, kasuodma.

An duwang suspechado nag aatubang ngonian nin casong pagbalga sa RA 9165 o an Comprehensive Dangerous Drugs Act of 2002, sabi ni Police Chief Insp. Maria Luisa Calubaquib, an spokesperson kan PNP sa Bicol.

Kan Lunes na bangui, si Jaggi Singh alias Jag, 31, may agom, sarong Indian national na nag- eestar sa Concepcion, Naga City, ns an mayor na hanap buhay pagpautang nin cuarta an nadakop kan anti-narcotics operatives sa buy bust operation sa Brgy. Tinago, Naga City.

Segun sa report kan pulis an suspechado nagpabakal nin sarong plastic sachet na may laog nin shabu sa undervocer na police officer na nagsagin-sagin na parabakal nin shabu sa Baylon Compound, sa San Quintin St., Brgy. Tinago, digdi.

Kan Lunes na hapon, poco mas o menos alas 12:50 nin hapon, si Jonald Raro alian Jerif, 30, soltero, conductor sa bus asin taga Brgy. Triangulo, Naga City an dinakop kan pulis nin huli sa pagpabakal nin shabu sa undercover na ahente kan pulis.

Nadakop an suspechado sa Jacob St., Brgy. Penafrancia, Naga City.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...