Friday, September 28, 2018

4 na taga Iriga, dakop sa ilegal na droga


IRIGA CITY (Bicol Standard) -Apat (4) na mga suspechadong para tinda nin shabu an nadakop sa magkasuway na operasyon kan kan Philippine Drug Enforcement Agency (PDEA) digdi.

Segun sa report ni PDEA acting regional director Christian Frivaldo, an mga naarestar iyo an minasunod: Ariel Regaspi, 40; Joan Sabanal, 28; asin Alicia Mae Dice, 19 anyos an edad.

Ginibo an buy bust operation sa laog kan cuarto sa hotel sa Brgy. San Isidro, poco mas o menos alas 2:45 kasubago.

Hale sa poder kan mga suspechado nakua kan mga ahentes kan PDEA an 50 gramos nin shabu na nagkakantidad na P340,000.

Mientrastato, sabi ni Frivaldo sarong nag ngangaran na Manuel de Lima, alias "Bong" 39, residente kan Brgy. San Agustin an naarestar man kasubagong alas 5:10 nin hapon mantang nag ririgaton nin illegal na druga sa laog kan cuarto sa apartelle.

Nakua kan PDEA ki De Lima an 25 gramos nin shabu na nakabugtak sa pito na plastic sachets, na nagkakantidad P170,000.

Idinagdag ni Frivaldo na an tulong suspechado na enot na nadakop iyo an para dara kan illegal na druga hale ki De Lima, na bistado na bistado bilang high value target sa drug watch list kan PDEA.

An apat na suspechado yaon ngonian sa laog kan detention facility sa Ciudad nin Naga.
Share:

Featured Post

TEACHER CORNER | In reading, hope springs

Esteban B. Camano Master Teacher II Gen.T. De Leon National High School The wide spread of illiteracy is still one of the world’s bigge...