Friday, September 7, 2018

4 na Bicolano, nasa top 10 sa Electrical Board Exams


LEGAZPI CIITY - Apat na Bicolano an kabale sa top ten sa itinaong Registered Electrical Engineer Board Exams na itinao kan Septiembre ngonian na taon.

Kabale sa listahan iyo an top 1, na nakua ni Nino Boy Armario Dacer, nag graduar sa Bicol University, Legazpi; ika 5 si Cedie Orain Pamplona, Bicol University, Legazpi; an ika walo si Mark Joseph Bien Ceriola, Divine Word College, Legazpi City; asin an ika 10 iyo si Mhenbert Manalo Barranda, Bicol University - Legazpi.

Si Dacer, Pamplona asin Baranda, anas taga Guinobatan, Albay.

Nagrukyaw an familya ni Dacer kan magluwas an resulta kan exams nin huli ta dai niya piglalaoman na iyo an makakakua kan pinaka halangkaw na grado.

Inako ni Dacer na bakong facil si saiyang pag-eskwela nin huli sa sadit pa siya kan binayaan sinda asin an tulo niyang tugang, kan saiyang ama.

Naghibi asin nagmundo nin huli sa makuring kadeficilan na inagihan, tanganing makatapos kan saiyang pag adal poon elementarya, hastang magtapos nin curso sa college.

Sabi pa ni Dacer balon niya sa pag eskwela iyo an pangadyeon asin kumfianza kan familya asin mga amigo na nagpakusog kan boot na makatapos nin pag ada.

Apisar kan siring na mapait na experiencia na mayong nag-alalay na ama, sinabi niya na bukas pa guiraray an saiyang daghan na maheling an saiyang ama, ano man na oras.

Nakatalaan siyang mag oli sa Guinobatan, Albay sa fecha 10 ngonian na bulan, hale sa Cebu City na kun saen siya nag review antes na magkua kan sinambit na board examination.
Share:

Featured Post

Quack dentist arrested in Naga City

Photo courtesy of Dr. Albeus NAGA CITY (Bicol Standard) – A person believed to be a quack dentist was arrested by authorities as he was...