Saturday, September 1, 2018

3 gadan kan maligis nin 14-wheeler truck sa Albay


LEGAZPI CITY (Bicol Standard) -- Tulong tawo an nagadan kan adodoson an saindang harong kan 14-wheeler na truck, sa gilid kan diversion road sa Brgy. Iraya Norte, Oas, Albay kasubangui, Viernes).

Segun sa report kan pulis an mga binawian nin buhay iyo si Sulpicio Gados, residente kan Polangui, Albay, Giovanni Raton asin Gerald Satuito.

An truck na naka-aksidente hale sa banwaan kan Camalig pasiring sa Metro Manila.

Ipinahayag kan imbestigador na an nakadisgraciang vehiculo pig mamaneho ni Roger Marcaida.
Kan inimbistigaran kan mga awtoridad si Marcaida inako niya na nawaran talaga siya nin control kan manibela kan awto, inadodos kan saiyang vehiculo an harong sa guilid kan tinampo, poco mas o menos alas 7:00 nin bangui.

Inako ni Marcaida na nagkaigwa nin mechanical problem an pig maneho niyang awto.

Mientrastanto, makuring pagbasol an sinapo kan driver sa nangyaring aksidente.

Naghagad na man siya nin kapatawadan sa mga miembros kan familya kan mga nagadan.

Naaraman pa hale sa informante magsaradireng tawo, afuera ki Gados na yaon sa sinambit na harong tangani na magdalaw kan saiyang ilusyon, na miembro kan familya Raton.

Sabi sa report, si Gados ikakasal na sa Disyembre sa sarong miembro kan familya Raton.

Nin huli sa nangyaring aksidente, sasangatan man guirary nin caso an driver kan truck, dugang pa sa report.
Share:

Featured Post

Quack dentist arrested in Naga City

Photo courtesy of Dr. Albeus NAGA CITY (Bicol Standard) – A person believed to be a quack dentist was arrested by authorities as he was...