Friday, September 14, 2018

1 CAFGU tinadtad bala sa Masbate


MASBATE CITY (Bicol Standard) -Sarong aktibong miembro kan CAFGU an binadil kasubagong alas 10:30 nin aga, (Sept 14). sa Purok Acacia, Brgy. Malinta, digdi.

An biktima iyo si Joseph Lapida y Roy, 34 anyos, soltero, residente kan Brgy. Cabitan, Mandaon, Masbate.

Naka distino siya sa Army detachment sa Brgy. Maingaran, Masbate City.

Segun sa imbestigasyon si Lapida naghahalat nin lundan pasiring sa Mandaon, Masbate kan siya badilon kan duwang dai nabistong mga para gadan.

Igwa siya nin mga tama nin bala na hale sa calibre .45.

Base sa Masbate City Police Station si Lapida tinamaan nin bala sa daghan, asin sa mata, na iyo an saiyang ikina gadan.

Pakatapos na siya badilon an mga kriminal nagdulag pasiring sa direksyon kan Brgy. Sinalogan, Masbate City.

Dinara pa kan mga kriminal an mga gamit kan biktima.

Mientrastanto, an bangkay ni Lapida dinara sa Masbate Provincial Hospital para sa post mortem examination.

Nakua sa pinangyarihan kan krimen an 20ng baseyo nin bala hale sa calibre .45.

An sinambit na incidente parte kan mayong kapondohan na garadanan sa provinciang ini, na an causa an mainit na ralaban kan mga rebelde asin soldados kan gobierno.
Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...