Saturday, August 18, 2018

Naga City First Lady Farah Bongat, tinuyaw an tiangge sa Plaza Rizal

Kua kan Bicol Standard

Kua kan Bicol Standard

Kua kan Bicol Standard

Kua kan Bicol Standard

NAGA CITY (Bicol Standard) – “BAKO PO AKO! MAYO PO AKO PAGKAARAM. INOSENTE AKO!”

Ini an pahayag ni Naga City First Lady Farah Bongat tanganing linawon an isyu asin kontrobersiya sa imbuelto an pagbugtak nin mga tiangge asin tindahan sa palibot kan Plaza Rizal digdi.

Inako ni Mrs. Bongat na “nawara an gayon sa plaza” nin huli sa baralanggado na pagbugtak kan mga stalls.

“Kun nailaag kutana sa tamang lugar na dai makakaperwisyo, dai man garo ini maani nin pagtuyaw sa mga tao,” sabi pa niya.

Kan enot na mga bulan, sinabi niya na siya talaga an nasa likod kan pag-organisar nin mga saradit na negosyante na makahanapbuhay sa Plaza Rizal.

Malinaw na sinabi kan esposa kan alkalde na maski siya, dai pabor sa pagbugtak kan mga nasambit na stall.

Makulog sa mata na paghelingon ini, dagdag ni Mrs. Bongat.

Mientrastanto, maski si Mayor John Bongat sa saiyang simbag sa post kan saiyang agom, nagsabi na kakaulayon niya an Sangguniang Panlungsod asin si Vice Mayor Nelson Legacon dapit digdi.

Gustong maaraman kan alkalde nun pa’no pigpili an “organizer” asin kun sisay an nagpili kaini.

Sa ibong na lado, sarong konsehal kan ciudad na nakiolay na dai pagsambiton an pangaran an nagconfirmar sa Bicol Standard na igwa sinda nin inaprobaran na ordinansa na nagtutugot na patindahan an lugar.

“Aram ini ni Mayor,” sabi kan informante.

“An opisina kan Tesoreria an may directamenteng pagkaaram sa pagpatinda sa lugar na ini kun panahon nin Penafrancia fiesta,” idinugang pa niya.

Sa pakihumapot kan Bicol Standard sa City Hall, nagluluwas na an Ordinansa Numero 214-052 iyo an ginamit na basehan sa pagpatinda sa lugar.

Sabi sa Ordinansang ini, kaipuhan kan mga transient vendor nin Mayor's Permit antes sinda magtugdok kan temporary stall, shanty, o maski maglatag kan saindang efectos.

Sakop kan pagboot na ini an mga organizers kan trade fair, an sponsor, o kabaing na exhibit.
Share:

Featured Post

Quack dentist arrested in Naga City

Photo courtesy of Dr. Albeus NAGA CITY (Bicol Standard) – A person believed to be a quack dentist was arrested by authorities as he was...