Monday, August 27, 2018

"Kiss mark," causa kan pag suicide sa Daraga, Albay




DARAGA, Albay 8/27/18 (BICOL STANDARD) -Makuring pag selos an posibleng rason kan pag suicide kan lalaki kan maheling niya na an liog kan saiyang kasaroan na igwa nin "kiss mark" sa lawas asin daghan.

Ini an report na naka abot sa mga awtoridad kun nata ta nagdecidir an 20 anyos na lalaki na tapuson na lugod an saiyang buhay.

An biktima taga Brgy. Salvacion, sa banwaan na ini.

Pinangaranan sa police report na an gadan na iyo si Raymundo Aperin y Medina, residente kan Arimbay, Legazpi City.

Alagad siya nag eestar na ngonian sa Brgy. Salvacion, digdi.

Nagluwas sa imbestigasyon na mina abot pa sana an biktima hale sa Laguna.

Poon kan maheling kan lalaki an "kiss mark" sa saiyang ka live-in, nagpoon na si saindang pag iwal.

Pirang oras sana an naka agi, an biktima nagparainom nin alak, asin kan burat na nagbitay kan saiyang sadire, na iyo an causa kan saiyang kagadanan.
Share:

Featured Post

Quack dentist arrested in Naga City

Photo courtesy of Dr. Albeus NAGA CITY (Bicol Standard) – A person believed to be a quack dentist was arrested by authorities as he was...