Monday, August 27, 2018

Driver nin habal-habal, binadil sa Libon, Albay



LIBON, Albay 8/27/18 (BICOL STANDARD) - Gadan an sarong driver nin habal-habal kan siya badilon kan dai nabistong suspechado, mantang nahuhuron buda an saiyang agom kan Sabadong bangui sa Brgy. Villa Petrona, digdi.

Sabi sa report kan pulis, nabisto an biktima na iyo si Ramon Borromeo y Advincula, 50 anyos, taga Zone 6, kan sinambit na barangay.

Segun sa imbestigasyon, an incidente nangyari alas 7:30 nin bangui, mientras na an biktima nagduduyag sa kubo na kataning sana kan harong ninda.

Kan mangyari an krimen, nag eestoryahan an biktima asin an saiyang agom kan mag abot an dai bistadong lalaki na nagrani sainda.

Basta na sanang binadil si Borromeo kan suspechado, gamit an kalibre .45 na badil.

Dead on the spot an biktima nin huli sa tulong tama nin bala sa man laen-laen na parte kan saiyang lawas.

Nakakua an mga imbestigador nin sarong baseyo nin bala pinangyarihan kan incidente. (Ni Vince Villar)
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...