Friday, August 31, 2018

Bukbok sa NFA rice, nahale na


TABACO CITY (Bicol Standard) -- Pakalihis nin 7ng aldaw na "fumigation" asin 24 oras na pinadurosan, declarado na ngonian an 200,000 na sako nin bagas na binakal hale sa Thailand na mayo na nin bukbok, sabi kan Bureau of Plant Industry Quarantine Service (BPIQS).

Segun ki Danilo Doblon, an manager sa Bicol kan BPIQS, pwede nang i-discarga an bagas hale sa barko para iwaras na sa lokal na mercado.

An BPIQS nag inspection sa MV Emperor 1 na naka doong sa pier an Tabaco City, poon pa kan sarong aldaw.

Mismong an mga representantes kan National Food Authority sa Bicol an nag testigo sa ginibong sampling kan BPIQS sa tulong batches kan barko.

Idinagdag ni Doblon na nag gibo sinda nin rondom check asin pig resting an bagas na hale sa sako, asin napatunayan na "gadan na gabos" an bukbok.

An ginamit na "fumigant" o pan-spray, inaapod na Phosphine, na sarong chemical na nasa forma nin tabletas na iyo an pigbugtak sa lugar na nagtunaw pig patunaw sana tangani na maging "gas" na iyo an nakagadan kan buhay na peste.

Pakalihis nin pirang oras na pinadurosan an mga sinakong bagas, an sabi ni Doblon, an pig importar na bagas salvado nang kakanon.

Mientrastanto, sa enot na interview, ipinahayag ni Nelsie Alcantara, an spokesman kan NFA sa Bicol, na an shipment na ini parte kan 800,000 na sako nin imported na bagas na pig alokar para sa Bicol para ngonian na taon.
Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...