Sunday, August 5, 2018

7 anyos na aki, nasapotan nin salabay sa Caramoan


NAGA CITY (Bicol Standard) -- Saro pang aki, 8 anyos an edad an aksidenteng nasapotan nin salabay (jelly fish) mientras na nagkakarigos sa dagat, sa tungod kan Matukad Island, sa Brgy. Paniman, Caramoan, Camarines Sur.

Segun sa report na nakaabot sa hepatura kan pulis, an aki maogmang naglalangoy sa gilid na parte kan dagat kaiba an ibang miembros kan saindang familya kan masaprangan niya an kasyahan nang pagkadakula na salabay.

Nin huli ta malabog an dagat, dai narisa kan aki na igwa palan nin salabay sa lugar na saiyang pig kakarigoan.

Haros naubos na nagkurapot sa lawas kan aki an mga gamat kan salabay, na iyo an naging causa kan pagkasulo kan saiyang kublit.

Naaramman sa imbestigasyon na an biktima pig bubulong ngonian sa medical center sa Caramoan.

Enot kaini, kan sarong bulan maroromdoman na sarong 7 anyos na Italian National an nasapotan man nin salabay asin nagadan, mantang kan magkarigos sa kapareyong lugar.

Nagpaluwas na nin patanid an mga awtoridad na ibitaran an siring na aksidente, orog nang ngonian na mga bulan iyo an panahon na dakul an salabay.

An Paniman, Caramoan iyo an lugar na paboritong bisitahon kan mga turista nin huli sa gayon kan kapalibotan.
Share:

Featured Post

DepEd to probe Bicol Central Academy schoolbag burning incident

NAGA CITY (Bicol Standard) – DepEd Sec. Leonor Briones has directed DepEd Regional Director Gilbert Sadsad to submit an incident repo...