Tuesday, August 21, 2018

6 na oras na byaheng Legazpi-Manila, andaman sa bagong PNR sa 2019



Madurar sanang anom (6) na oras an biyahe haleng Legazpi pa Manila sa rikas na 120 kph sa bagong serbisyo kan Philippine National Railways.

Ini an pahayag ni PNR General Manager Jun Magno, na nagsabing mapoon na sa 2019 an bilog na pagbago kan serbisyo kan Philippine National Railways hale sa Manila paduman sa ciudad nin Legazpi.

Segun ki Magno, bako sanang pag hirahay an saindang gigibuhon, en vez iyo an “total transformation” o enterong pagbago kan serbisyo kan tren.

Igwa ining budget na may kantidad P175.32-billion, sa irarom kan Build, Build, Build program ni Presidente Duterte.

Dinagdag pa ni Magno na saro sa dakulang grupong maapektaran kan programa iyo an mga informal settlers.

Ini nin huli ta bako sanang saro, en vez duwang riles an itutugdok sa rutang Manila to Legazpi.

An maasikaso sa mga nasambit na afectadong informal settlers iyo an National Housing Authority, dugang pa kan General Manager.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...