Friday, August 3, 2018

3 CAFGU gadan sa Masbate


LEGAZPI CITY (Bicol Standard) -- Tulong miembros kan Civilian Auxiliary Arm (CAFGU) an binawian nin buhay kan makaencrontada ninda mga miembros kan New People’s Army (NPA) kasubagong alas 8:30 nin aga.

Nangyari an incidente sa Brgy. Mactan, Cawayan, Masbate.

Segun sa report na nakaabot sa PNP Regional Office 5, an mga CAFGU nagpapatrolya sa sinambit na barangay kan makasabatan an mga rebelde sa lugar.

Mayo nin informasyon kun igwa man nin nagadan o nalugadan sa grupo kan NPA.

Mientrastanto, tulos nag-sugo an liderato kan Philippine National Police sa mga kataraid na banwaan kan Cawayan, na magbugtak nin mga checkpoints sa mga pili na lugar na pwedeng agihan kan mga rebelde sa pagdulag.

Nagsugo man an intelligence operatives na bisitahon an mga clinica o hospital sa lugar, tangani na aramon kun igwa nin dinara sainda na tawo na may lugad o tama nin bala.
Share:

Featured Post

NIA inaugurates P74-M pumping station in Camarines Sur

Ricefield in Bicol Bicol Standard file photo NAGA CITY (Bicol Standard) – No less than 1,728 farmers and their families in Camarines S...