Wednesday, July 25, 2018

NIN HULI SA SELOS | Agom na babae, naglampaw sa dagat, gadan


CARAMOAN, Camarines Sur (BICOL STANDARD) -Makuring selos an pigtutubodan na causa kan paglampaw kan agom kan babae, mantang nagdadalagan sa lawod an saindang pig lulunadan na motor sa dagat, sa Caramoan, Camarines Sur.

Segun ki P/Sr Insp Bienvenido Enciso, an hefe kan pulis sa Caramoan na base sa imbestigasyon ninda si Noe Fernando, 38 anyos, asin an saiyang agom na si Leny Fernando, nakalunad sa motorized banca papuli na sa saindang harog.

Antes pang maglund sa baroto igwa na nin iwal an duwa, nin huli sa sahot kan biktima na an saiyang agom may ibang pig tatago-tagong babae, na saiyang karelasyon.

Todo sa pagpahimutik an lalaki.

Alagad, dai nacombensir an agom na si Leni, kaya kan yaon na sa tahaw kan dagat an saindang pig lulunadan na motorized banca, bigla na sana ining naglampaw, na iyong causa kan saiyang pagkalamos.

An sabi kan agom na lalaki, pig probaran pa niyang sapodon an saiyang esposa, pero nin huli sa darakula an alon, dai na niya kinaya na isalvar siya.

Mientrastanto, si Noe yaon ngonian sa hospital, nagpapabulong nin huli sa dakul na dagat an saiyang nainom, mantang pig sasalvar kuta an saiyang agom.
Share:

Featured Post

Faeldon Jr., dakop sa Naga City sa drug raid

NAGA CITY--Nagpahimutik si Nicanor Faeldon Jr., aki kan pamayo kan Bureau of Corrections (BUCOR) na si Nicanor Faeldon, na dai siya im...