Thursday, July 5, 2018

Naghalo kan arak na nakahilo sa 4 sa Iriga, pighahanap pa


IRIGA CITY (Bicol Standard) -- Pighahanap pa an mga persona na nagdara kan hinalong arak asin kemikal na nakahilo, gadan sa apat na tawo sa ciudad na ini.

Segun sa Iriga police, an mga victima iyo sinda Regio Oliveros, 39; Edwin Dela Cruz, 63; Luis Nicolas Jr. 69; asin Sonny Castillo, 47.

Afuera sa apat, poco mas o menos 50 personas pa an nagpapaumay pakatapos mag-inom kan nasambit na arak.

Sinabi kan pulis na kan fecha 29 kan Junio, nag-abot sa ciudad na ini sinda Engr. Glenn T. Castillo kan Quezon City asin Christian Naldoy na residente kan Sta. Maria, Iriga City, para mag ofrecir nin arak na may pig-aapod na re-mineralizing drops na suboot may tama na maabot sa tulong aldaw.

Nakamati nin kulog nin payo asin paglabo nin pagsuka, sabi kan pulis.

Mapadara nin surat an Iriga City Police Station sa Food and Drug Administration para examenon an hinalong arak asin kemikal.

Pig-aadalan pa kun anong isasangat na kaso sa mga suspechado.
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...