Saturday, July 7, 2018

Nag lupig nin 3ng babae, nabadil, gadan


LEGAZPI CITY (BICOL STANDARD) –Binawian nin buhay an sarong lalaki na suspechado sa paglupig sa tulog babae kan siya naglaban sa mga pulis na nagconducir nin hot pusuit operation sa banwaan kan Castilla, Sorsogon.
An nagadan na suspechado nabisto sa pangaran na Jomas Riba y Morada, 24, residente kan Brgy. Salvacion, sa banwaan kan Castilla.
Ipinahayag ni S/Insp Joren Gutay, an hefe kan Castilla Municipal Police Station na kan sarong aldaw nagsumbgong sa saindang hepatura an sarong menor de edad na babae na pig fuerza suboot na dinara kan suspechado sa may cementeryo. 
Sa sinambit na lugar linupigan siya kan suspechado
Idinagdag sa report kan pulis na dai pa ngani nakalihis nin sarong aldaw duwa pang daragita an nagreklamo man sainda na pig lupigan kan kan suspechado, sa kapareyong lugar.
Nin huli sa sumbong kan mga babae, kaya naglansar nin hot pursuit operation an mga awtoridad, asin hinanap an suspechado.
Kan masumpungan kan mga pulis an suspechado, en vez na magsuko sa sainda,nagpaputok pa ini kan saiyang darang badil, na iyo an naging mitsa kan  pagkabadil saiya.
Dinara pa kuta sa hospital an suspechado tanganing ipabulong, kundi binawian man guiraray siya nin buhay.
Afuera kan reklamong paglupig nin tulong daragita, an suspechado igwa pang record sa barangay na imbuelto sa pagbalinghaw.
Share:

Featured Post

14ng pasahero sa jeep na nahulog sa Tinambac, salbado na

TINAMBAC, CSur - Binasol ni Municipal Councilor Jonas Soltes an Department of Public Works and Highways (DPWH) sa saindang kapabayaan n...