Mga kutsara, tinidor prinobaran habunon


NAGA CITY (Bicol Standard)—Nagkapirang mga gamit sa pagkakan an prinobaran habunon sa sarong dakulang tindahan sa ciudad na ini kasubago.

Sa report kan Naga City Police Office, binisto an suspechado na si Michael Bermundo y Cepeda, 30 anyos, daeng trabaho, asin taga Barangay Cararayan.

Segun sa pulis, nadakop kan security guard kan Unitop si Bermundo na may darang anom na kutsara, apat na tinidor, asin iba pang gamit sa kusina mantang ini paluwas na sa tindahan.

Suboot, dai pa bayad an mga ini kan magprobar maghale an suspechado kaya inarestar siya kan guardia.

May kantidad Php 2,218.00 an mga nasambit na gamit, sabi kan pulis.

Pigpepreparar na kan pulis an magkakanigong kasong aatubagon kan suspechado.

Trending

Powered by Blogger.