Tuesday, July 24, 2018

Joint press briefing sa pag gadan ki Joey Llana, gigibohon sa aga


LEGAZPI CITY  (BICOL STANDARD) -- Magkakaigwa nin joint press briefing saagang alas 2:00 nin hapon, sa Camp Simeon Ola, sa Legazpi City, dapit sa casong pag gadan sa broadcaster na si Joey Llana.
Ini an pinaabot na bareta ni Sr Ins Malu Calubaquib, an spokesperson kan PNP Bicol kasuodmang hapon.
Sabi ni Calubaquib, gustong paisihon kan liderato kan PNP, na iyo an nag iimbestigar kan caso kun anon a an development sa high profile na krimen, na nakakua kan attention kan Malacanang.
Maroromdoman na si Llana, na sarong blocktimer sa Legazpi City, binadil kan dai nabistong para gadan, amay nin pagka aga kan sarong semana.
Paluwas na si Llana sa saindang harong, lunad kan saiyang service na awto na siya paarakasakan nin bala hale sa calibre .9mm na badil. May saro man nin bala na hale sa calibre .45 an nakua harane sa saiyang bangkay.
Share:

Featured Post

Faeldon Jr., dakop sa Naga City sa drug raid

NAGA CITY--Nagpahimutik si Nicanor Faeldon Jr., aki kan pamayo kan Bureau of Corrections (BUCOR) na si Nicanor Faeldon, na dai siya im...