Tuesday, July 24, 2018

Ex brgy kapitan sa Del Gallego, binadil sa Ragay


NAGA CITY (Bicol Standard) -- Binadil sa payo, kaya tulos nagadan an dating Punong Barangay sa F. Semion, Ragao, Camarines Sur, sabi sa report kan pulis.

Segun sa report, sinurungan sa saindang residencia an biktima, poco mas o menos alas 8:00 nin bangui kan dai nabistong para gadan.

An biktima iyo si Erlinda Sallan Armillo, 55 anos an edad.

Nagkakakan an biktima kan siya badilon sa payo.

Binawian tulos siya nin buhay sa lugar na pinangyarihan kan krimen.

Mayo pa nin malinaw na informasyon kun ano an rason sa pag gadan saiya.

Mientrastanto, pig iimbestigaran pa kan mga awtoridad an motibo kan pagbadil sa saiya.

An nagunong informasyon hale sa Ragay PNP, naaraman na an biktima dating Punong barangay kan Bagong Silang, sa banwaan kan Del Gallego, Camarines Sur.
Share:

Featured Post

Faeldon Jr., dakop sa Naga City sa drug raid

NAGA CITY--Nagpahimutik si Nicanor Faeldon Jr., aki kan pamayo kan Bureau of Corrections (BUCOR) na si Nicanor Faeldon, na dai siya im...