Friday, July 13, 2018

Bodyguard kan mayor sa Masbate, binadil, gadan


LEGAZPI CITY (Bicol Standard) -- Pig iimbestigaran na ngonian kan pulis sa Masbate an pag gadan kan private bodyguard ni Mayor Salvadora Sanchez kan banwaan kan Uson, Masbate, na binadil gadan kan dai nabistong mga lalaki, mantang nag-aasikaso kan saiyang ataman na baka.

An biktima iyo si Charlie Moncada, 51, residente kan Brgy Madao, Uson, Masbate.

Naaraman sa bareta na si Moncada, nagtatrabaho bilang security aire kan alkalde binadil kan Mierkoles, poco mas o menos alas 3:00 nin hapon, sabi ni Sr Inspector Ma Luisa Calubaquib, spokesperson kan PNP sa Bicol.

An biktima malawig kan saiyang ataman na baka, harane sa saiyang harong kan mag abot an tulong dai nabistong mga lalaki na armado nin badil asin pirang beses siyang binadol sa lawas.

Nagadan an biktima sa lugar na pinangyarihan kan krimen.

Pig aaram pa ngonian kan mga imbestigador an pangaran kan mga suspechado asin kun ano an motibo kan pag gadan.

An mga imbestigador pig iisi an gabos na angulo kan krimen, kabale an politika asin problema sa insurgencia sa lugar, maging an personal na problema na imbuelto an ginadan.
Share:

Featured Post

San Miguel Bay Writers Workshop now open to applicants

The Central Bicol State University of Agriculture- Calabanga College of Education in cooperation with The Writers Project and Parasu...