Barangay kagawad sa CSur, pinaputukan

LUPI, CSur (Bicol Standard)—Pig-aaram pa kan mga pulis an motibo sa pagpaputok sa sarong barangay kagawad asin mga pag-iriba kaini poco mas o menos alas-10 nin aga kan nakaaging Domingo.

Sa report na ipinaabot kan Police Regional Office 5 sa Bicol Standard, binisto an mga pinaputukan na sinda Barangay Kagawad Lunesto Alcedo Jr. y Jimeno; Celeste Alcedo y Albalate; Jovita Mendez y Castuera; Jesus Vasquez y Masaga; asin Ledelyn Vasquez y Ticala.

Mientrastanto, an suspechado iyo si Lorenzo Clutario y Pirena, na hasta sa mga oras na ini dai pa nadadakop.

Sabi kan pulis, nakasakay an mga victim sa sarong tricycle kan sinda paputukan kan suspechado kan badil na dai pa aram an calibre.

Tulos duminulag an suspechado.

Mayo man nin nalugadan sa nangyari, dugang pa kan pulis.

Nagigibo pa nin pagsisiyasat an Lupi MPS sa mga oras na ini manungod sa incidente.