Sunday, July 15, 2018

Lalaki tinaga an agom na babae; nag-suicide



NAGA CITY 7/15/18 (BICOL STANDARD) – Pinili kan sarong padre de familya na magbitay na sana kan saiyang sadire, tangani na magadan, pakatapos na tagaon an saiyang agom sa payo.

Sabi kan imbestigador kan pulis sa San Fernando, Camarines Sur, si Joel Marco, 38, asin an saiyang agom na si Vivian, nagkaigwa nin grabeng iwal, poco mas o menos alas 11:00 nin bangui kan naka aging Sabado (Hulyo 14).

Bakong pang malinaw sa mga awtoridad kun ano si saindang pig iwalan.

Nin huli sa iwal kan mag agom, tinaga kan agom na lalaki an saiyang esposa na tinamaan sa payo, na iyo an rason para siya aragap-agapan kan mga residentes kan lugar.

Idinalagan sa Bicol Medical Center an agom na babae, na apisar kan dakulang lugad sa payo, nakalibre sa kagadanan.

Mientrastanto, an agom na lalaki, nagbitay kan saiyang sadire sa paagui kan pag gakod nin pisi sa liog, na iyo an saiyang ikinagadan.

Pig iimbestigaran pa an kasong ini.

An babae nagpapa omay ngonian sa BMC.
Share:

Featured Post

DepEd assures teachers of bonuses, allowance hike

Department of Education Undersecretary Finance-Budget and Performance Monitoring Annalyn Sevilla (left) assures teachers of their bonuses...