Monday, July 2, 2018

Aki na nabakunahan nin Dengvaxia, linubong na sa Albay

Photo via Persida Acosta

LEGAZPI CITY (Bicol Standard) –Sarong team nin mga experto hale sa Public Attorney’s Office (PAO) an nagbisita sa Camalig, Albay, para examinon an bangkay kan 13 anyos na solterito na suboot nagadan nin huli ta nabakunanan kan controversial na Dengvaxia vaccine.

May enot na report na naka abot sa PAO na nagsasabi na nagadan an solterito nin huli sa complicasyon na resulta kan pagbakuna saiya.

An biktima nabisto sa pangaran na Arjay Llantero, taga Camalig, Albay.

Mientrastanto, si Atty. Persida Acosta, an hefe kan PAO nagsabi na base sa saindang record, an sintomas kan helang ni “Arjay”, kapareyo kan si mga enot na nagadan na mga aki, na pig tabangan kan saindang officina.

Malinaw na nareparo an pagbutog asin pagkulog kan tulak kan biktima, na kapareyo kan ibang mga pig imbestigaran nindang mga reklamo, na anas nabakunahan kan Dengvaxia.

Segun sa doctor na nag-check up ki Arjay an saiyang ikinagadan iyo an pag palyar kan saiyang baga (pulmonary arrest).

Igwa nin pagduda si Atty. Acosta na igwa pa nin ibang rason an saiyang biglaan na pagkagadan, ta an tubercolusis sarong clase nin helang na nabubulong na ngonian.

Sa enot na pahayag ni Analyn Llantero, an ina ni Arjay, tulong beses na nabakunahan ini kan Dengvacia vaccine.

Nagpoon siyang natawan kan bakuna kan Hunyo 2016 hasta Enero 2017, mantang siya duman pa nag aadal sa Pampanga.

An Pampanga an saro sa mga provincial sa Pilipinas na nagkaigwa nin lagdoan nin pagbakua sa mga aki kan Denvaxia vaccine, na para suboot sa helang na dengue.

Si Arjay iyo na suboot an ika 65ng aki na nagadan pakatapos na mabakunahan kan Dengvaxia vaccine, sa lingong kan innunization program kan gobierno na progama kan naka aging administrasyon.
Share:

Featured Post

DOLE assures stable employment situation

Following the release of results of the Social Weather Stations (SWS) survey on joblessness, Labor Secretary Silvestre Bello III assu...