Saturday, June 9, 2018

Viaje pasiring sa Burias, Masbate pinogol kan PCG


PASACAO, CSur (Bicol Standard)-- Paseguro an Philippine Coast Guard (PCG) sa pag monitor kan kamugtakan kan panahon tangani na maibitaran an disgracia na pwedeng mangyari huli kan maraot na kamugtakan kan panahon.

Ipinahayag ni Petty Office 1st Class Joselito Benegas, substation commander kan PCG sa Pasacao, na 120ng mga pasahero an stranded ngonian digdi.

Kabale sa mga pasahero na naghahalat na magrahay an panahon an 4 na gurang asin 14ng mga aki.

An mga pasaherong ini pasiring sa Burias, San Pascual, Masbate, hale sa pier kan Pasacao, Camarines Sur

Maski ngani bako man na darakula an alon, nagpaseguro an PCG na dai tugotan na magbyahe an mga pumpboat para maibitaran an peligro na pwede masabatan ninda sa tahaw kan dagat.

Base sa report ni Ariel Zamudio kan PAGASA-DOST sa Legazpi City, may nakabanderang gale warning sa mga dagat na sakop kan Camarines Sur, Camarines Norte, Catanduanes asin sa sirangan na parte kan Albay asin Sorsgon.

Pig avisohan an gabos na para sakay na dagat na an gabos mag-ingat.

Share:

Featured Post

Use money wisely, UltraLotto 6/58 winners told

Philippine Charity Sweepstakes Office (PCSO) General Manager Alexander Balutan has advised the two lucky winners of the P1.1 billion to u...