Monday, June 4, 2018

Tinamaan kikilat, gadan; saro pa, irido


LEGAZPI CITY (BICOL STANDARD) -- Binawian nin buhay an 20 anyos na babae mantang an saro pa idinalagan sa hospital kan tinamaan an sarong harong nin kikilat, kasuodmg alas 4:20 nin hapon.

An aksidente nangyari sa banwaan kan Sto. Domingo, Albay.

Sabi ni Sr. Insp Genevieve Oserin, hefe kan pulis kan Sto. Domingo, si Ryan Balute, an biktima, nag-charge kan saiyang cellphone sa saindang harong sa Brgy. San Andres kan nagkaigwa nin makusogon na kikilat.

Kapot niya an saiyang cellphone kan mangyari an aksidente.

Dinara pa an biktima sa Bicol Regional Training and Teaching Hospital sa banwaan kan Daraga, alagad binawian siya nin buhay.

Mientrastanto, sa kataid nindang harong, si Editha Balute, tiyaon ni Ryan, tinamaan man kan kuryente kan kikilat.

Yaon siya sa kusina kan saindang harong kan tinamaan kan kuryente.

Idinalagan man guiraray si Balute sa hospital, para ipabulong.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...