Saturday, June 9, 2018

SK councilor, 4 pa, rinatrat sa Masbate


MASBATE CITY (Bicol Standard) –Apat na tawo an nagadan kabale an bagong ma-elihir na miembro kan Sangguniang Kabataan sa Aroroy, Masbate kasuodma, sabi sa report kan pulis.

Si PO2 Haidelyn Arevalo kan Aroroy MPS nagsabi na an mga biktima nag-iirinoman sa laog kan harong ni Leo Cabarles, Punong barangay kan Brgy. Nabongsoran, Aroroy kan maglaog an armadong lalaki na nagparapambadil.

Sinda Ariel Madrilejos, 30, SK councillor John Paul Cristobal, 19 asin Dijie Cabarles, anas nagadan sa pinangyarihan kan incidente, mantang si Leo, an 21 anyos na aki kan Punong barangay binawian nin buhay sa hospital.

An sabi sa report si Ricky Alejo, 25, tanod sa barangay, binawian nin buhay sa Masbate Provincial Hospital digdi, mantang si Jury Cabarles, saro pang tanod, an nakikipag laban pa sa kagadanan.

Pig aaram pa kan mga imbestigador kun ano an motibo kan nangyaring krimen.

Igwa nin nagsasabi na pwedeng nagbalos an suspechado, sabi ni Chief Inspector Edgar Valencia, an hefe kan police sa banwaan kan Aroroy.

Bako pang malinaw kun an sinasabing pagbalos may relasyon sa politika.

Sabi sa imbestigasyon 19ng baseyo nin bala hale sa armalite rifle (M16) asin 4 na capsula hale sa calibre .45 an nakua sa lugar na pinangyarihan.

Nagtitipon pang evidencia an mga imbestigador para maaraman kun sisay an nasa likod kan krimen.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...