Friday, June 15, 2018

Bungog, púla, binadil sa Masbate


MASBATE CITY 6/15/18 (Bicol Standard) - Malipot na an bangkay kan sarong pula asin bungog na lalaki na binadil sa Purok 5, Sitio Tambangan, sa Brgy. Dapdap, Uson, Masbate kasubagong alas 2:00 nin amay (Hunyo 15) kan mag abot an mga pulis na ma-imbestigar kan kaso.
An suspechadong nag badil ki David iyo si Agustin Catamura alyas “Tengoy,” sabi sa report ni Punong Brgy. Romeo Nuevo kan nasambit na barangay.
Segun sa mga imbestigador, nag-apod sa pulis si Nuevo, tanganing paaramon kan krimen na nangyari sa saindang lugar.
An ginamit kan suspechado sa pag gadan sa biktika iyo an calibre .45ng badil na tuminama an mga bala sa lawas kan biktima.
Pig sisiyasat pa kan mga awtoridad kun ano an rason sa pagbadil sa biktima.
Mantang sinusurat an baretang ini mayo pa nin report kun nadakop na an suspechado sa krimen na ini.
Mientrastanto, binadil man kasuodma sa Brgy. Dayao, Mandaon, Masbate si Allan Ilao y Aribal, 50 anyos an edad.
Binawian tulos siya nin buhay sa lugar na pinangyarihan kan krimen.
An suspechado sa pag gadan ki Ilao iyo si Danilo Alido y Roxas, 19 anyos, Grade 9 na estudiante sa Cabitan National High School.
Nagsuko tulos sa mga awtoridad an suspechado.
An ginamit ni Alido sa pagbadil sa biktima iyo an gibo sa saindang lugar na “sumpak.”
Tulos binawian nin buhay an biktima.
Mayo pa nin report an pulis kun ano an rason ta binadil kan suspechado an biktima.
Nangyari an krimen kan fecha 14 kan Hunyo, alas 9:00 nin bangui.
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...