PDEA: P600K shabu nadakop sa Naga
NAGA CITY (Bicol Standard) -- Tulong lalaki
an nadakop, duwa
an nakadulag sa ginibong
buybust operation
kan mga ahentes kan
PDEA asin PNP digdi,
kasuodmang alas 5:00
nin hapon.
An mga nadakop na
imbuelto sa illegal na
druga iyo sinda Jamal
Naga y Linogaman,
Rasul Mampo Jr.y Gandawali
asin Nasser Ampuan
y Mamaco.
Naka dulag an duwa
nindang pag-iriba na
nabisto sa bansag na
Salamuddin asin Oding.
Nakumpiscar kan mga
awtoridad sa poder kan
mga suspechado an duwang
sachet nin shabu
na may gabat na 100
gramos.
An druga pwedeng
ipabakal sa kantidad
P600,000.
Afuera kan illegal na
druga, pugol man ngonian
kan mga awtoridad
an sarong unit nin Toyota
Fortuner, na gamit
kan mga suspechado sa
saindang illegal na transaksyon.
Pinamayohan ni PDEA
Agent Vidal DC Bacolod
an operasyon,
katuwang an Naga City
Police Station I, na pinapamayohon
ni P/Sr.
Insp. Marlon A. Antang
asin NCPO CIB, PSupt
Aldwin Gamboa, sa supervision
ni Christian
Frivaldo, an Director
kan PDEA sa Bicol.
An mga suspechado
yaon pa sa poder kan
PDEA mantang pig
pepreparar pa an kaso
na isasangat contra
sainda.
