Thursday, June 7, 2018

NEA nagbugtak nin Acting GM sa FICELCO


VIRAC, Catanduanes (Bicol Standard) – Nag take over na an National Electrification Administration (NEA) sa palopagong operasyon kan First Catanduanes Electric Coop., Inc (FICELCO).

Pig designar kan NEA si Orlando M. Andres bilang Project Supervisor/Acting General Manager kan FICELCO tangani na protihiran an interest kan mga miembros consumedores.

Maroromdoman na mismong an mga lideres kan simbahan, kagsadire nin mga negosyo asin mga residentes kan Catanduanes an naghorot sa NEA na kuparon na an operasyon kan Electric Coop, ta mayo nang kamugtakan an saindang padalagan asin operasyon.

Kan fecha 22 kan Mayo, nag protesta sa atubangan kan opisina kan FICELDO an mga miembros-consumedores kan cooperatiba kan kuryente, nin huli sa mayo nang huraw na pagpuropalsok kan supply kan kuryente, sa laog nin halawig na panahon. Hihagad kan kan mga taga Catandunes na mag demitir sa pwesto si Alex Ang Hung, an Presidente kan Junta Directiba, na mag resign sa pwesto nin huli ta mayo siya nin nagiginibo sa haloy nang problema kan servicio sa kuryente.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...