Friday, June 15, 2018

Nagtinda nin shabu sa Baao, nadakop na kan pulis


BAAO, CSur 6/15/18 (BICOL STANDARD) – Apisar kan igot nang maray an mga awtoridad sa kampanya para pohoon an problema sa illegal na droga, buhay pang maray an siring na negosyo sa banwaan na ini.

Segun sa informante kan baretang ini, haros lantadan pa guiraray an pagbakal kan shabu sa nagkapirang barangay, na kun pirang beses nang pig raid kan mga awtoridad.

An pinakabagong nadakop sa buy bust operation iyo si Zaldy Bayos y Iball, na residente kan Brgy. San Juan, digdi.

Sabi sa bareta, an suspechado may makusog na koneksyon sa ibang mga para rigatoni nin shabu na iyong nag-didistribuir kan illegan na paninda bako sanang digdi, kundi maging sa ibang mga pagtaraid na banwaan.

An mga residentes digdi na nakikipag cooperar na sa mga awtoridad iyo an nagtao nin informasyon kun saen nagdadara nin shabu an biktima.

Kan sarong aldaw, nasunodan kan mga tawohan kan pulis na nag-sagin sagin na para bakal nin droga asin suspechado asin nagpabakal sa police assets nin anom na sachets nin shabu.

Pakatapos sanang mangyari an transaksyon, saka siya dinakop kan mga miembros kan Baao PNP.

Nakua sa saindang poder an kantidad P500.00 na marked money na ginamit para sa buy bust operation.

Makusog an pagtubod kan mga awtoridad na madali na nindang madakop an iba pang mga imbuelto sa shabu, nin huli ta bastante na an saindang informasyon na naguno hale sa mga tawo na igwa nin pagkaisi sa siring na illegal na transaction.
Share:

Featured Post

San Miguel Bay Writers Workshop now open to applicants

The Central Bicol State University of Agriculture- Calabanga College of Education in cooperation with The Writers Project and Parasu...