Saturday, June 9, 2018

Nagpost kan sexual photo niya asin maestra, dakop sa entrapment


DAET, Camarines Norte (Bicol Standard) –Sarong 27 anyos na lalaki an dinakop kan mga awtoridad sa entrapment operation na ginibo sa Dolor Hotel, sa Brgy. 6, digdi kasubanggui.

Segun sa report, si Jethro Villagracia y Albonia, taga Daguit, Labo, Camarines Norte, ipinadakop kan 26 anyos na maestra na dati niyang ka-ilusyon.

An biktima nagsumbong sa pulis na si Villagracia iyo an nagpublikar sa kan mga sexual na retrato ninda sa social media.

Pinaki olayan suboot kan nagrereklamong public school teacher an saiyang dating ilusyon na haleon an saindang mga retrato, alagad naghagad an lalaki nin karibay.

Sabi pa kan nagsumbong na babae, inalok siya ni Villagracia na mag-ibahan sinda sa hotel para duman pag-olayan an bagay na ini.

Nin huli kan siring na problema, naghagad nin tabang sa mga awtoridad an maestra, tangani na dakopon an lalaki, sa laog kan cuarto sa hotel.

Nag tarabang an mga pulis hale sa Sta Elena MPS, Daet MPS asin sa tabang kan iba pa, kaya nadakop an ipig rereklamo.

Siring man, durante kan entrapment operation, nakakua man an mga pulis nin pig tutubodan na shabu hale sa suspechado.

Pig pepreparar na an kaso contra ki Villagracia.
Share:

Featured Post

DOST-Bicol turns over P23-M projects to state U, college

By Connie Calipay LEGAZPI CITY -- The Department of Science and Technology’s (DOST) office in Bicol recently turned over to a state...