Sunday, June 17, 2018

Motorsiklo itatao ni Gov Migz sa mga Kapitan



PILI, CSur 17/18/(BICOL STANDARD) Suportadong entero ni Gov Migz Villafuerte kan Camarines Sur an kampanya kan gobierno ni Pres Rodrigo Duterte kontra sa illegal na druga.

Sa pagpasumpa kasuodma kan labing 600 na mga punong barangay kan provincial, sinadol kan gobiernador na sa primerong semana pa sana kan saindang pag tukaw sa pwesto, mag gibo na tulos nin programa contra sa illegal na druga asin iba pang forma nin krimen sa kanya-kanyang barangay.

Tinawan nin doon kan joven na gobernador na importante na sunodon kan mga barangay kapitan an pangapodan kan Duterte administration na mag organisar kan functional na Barangay Anti Drug Abuse Council o BADAC, na iyo an matutok sa mga programa sa illegal na druga.

Nin huli kaini, nag promisa si Gov Migz Villafuerte na tatawan nin tig sararong motorsiklo an mga punong barangay na pwede nindang usaron sa kampanyang ini.

Sa presente, pig bareta kan gobiernador na pig hahalat na sana niya na matapos an bidding kan pagbakal kan motorsiklo, asin oras na makompleto na an processo, itatao na ini sa sainda.

Anas na brand new na motorsiklo an babakalon kan gobierno provincial para sa programang ini.

Ipig annunciar ni Gov Migz an baretang ini sa pagsumpa kan mga bagong elihidong barangay officials na ginibo sa Capitol Convention Center ngonian na aldaw.
Share:

Featured Post

San Miguel Bay Writers Workshop now open to applicants

The Central Bicol State University of Agriculture- Calabanga College of Education in cooperation with The Writers Project and Parasu...