Monday, June 4, 2018

Motorized banca nalubog, 2 an gadan


MASBATE CITY (Bicol Standard) -- Duwang pasahero sa motorized banca an nalamos kan malitwang an saindang sakayan sa dagat kan Brgy. Tugbo, Mobo, Masbate.

Sabi sa report kan pulis, an mga binawian nin buhay iyo sinda Erna Rabino y Gurierez, 78 anyos, taga Hillside, Kinamaligan, Masbate City asin si Teresita Garganera y Rabino, 59 , residente kan Cataingan, Masbate.

An aksidente nangyari alas 11:20ng odto.

Segun sa imbestigasyon an motorized banka sadire ni Nila Valencia y Dolorosa, residente kan Cagba, Masbate City.

May lunad nin 14ng pasahero an baroto kan ini malubog.

Dinagdag pa kan imbestigador na an famila kan mga biktima nagsakay sa banca hale sa Brgy. Cagba, Tugbo, Masbate pasiring sa Sitio Licuson, Brgy. Luyong Catungan, Mobo, Masbate.

Mabisita kuta sinda kan saindang tugang na si Erma Rabino na nag eestar sa nasambit na lugar.

Nakasabat an saindang pig lunadan na sakayan nin darakulang hokol na iyo an rason na nangyari an aksidente.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...