Monday, June 4, 2018

Mga Villafuerte, nagsaro nin fuerza sa Cam Sur


NAGA CITY (Bicol Standard) -- Tulong Villafuerte, 3ng gobernador an nagsararo na nin fuerza para orog pang pakusogon an saindang organisasyon sa politika sa nagdadangadang na election sa masunod na taon.

An gurang na Villafuerte, si dating Gov asin dating Cong Luis R. Villafuerte nag anunciar sa atubangan na labing sangribong mga segidores sa birthday party ni Congressman LRay Villafuerte, na nalampasan na kan saindang familya an problema, na iyong naging rason kan saindang pagkabaranga nin fuerza sa laog nin duwang election.

Si Cong LRay Villafuerte Jr., nagpahayag na preparado sindang sabaton an arin man na fuerza sa politika sa maabot na pirilian, nin huli ta bilog asin makusog an saindang mga lideres sa man laen-laen na banwaan kan provincial,

Mientrastanto, si Gov Migz Villafuerte, nagpahayag nin grabeng kaogmahan ta nabilog na liwat an saindang familya asin magkasurorog sa maabot na batalya nin politika.

Afuera kan tulong Villafuerte, presente sa okasyon kan celebrasyon kan compleano ni Cong LRay iyo si 5th District Congressman Sal Fortuno, na pig introducer na an saiyang agom na si Josie Fortuno na iyo na an tatambodan sa cargong congresista sa ika limang distrito.

Sa ibong na lado, sa primer distrito, ipig annunciar na sa publiko na an artistang si Long Mejiya na naka agom sa Del Gallego iyo an mamanokon kan mga Villafuerte sa cargong congressman.

Si LRay kandidato liwat bilang re-electionistang congressman, si LRV iyo an malaban sa ika tulong distrito, si Nonoy Magtoto sa ika apat na distrito asin si Josie Fortuno, agom ni congressman Fortuno iyo an an kandidatong congressman.

Sa provincia, si dating Vice Gov Imelda Papin iyo an magiging ka-tandem ni Migz sa cargong vice governador.
Share:

Featured Post

LGU Naga City, stricto sa mga paputok

NAGA CITY (Bicol Standard) -- Pig orolayan kan mga oficial kan LGU Naga asin an 27ng Punong barangays kan Ciudad an mga estratihiya par...