Tuesday, June 12, 2018

Mga suspechado sa Aroroy massacre, kinasohan


LEGAZPI CITY (Bicol Standard) –Pig iimbestigaran pa ngonian kan pulis an suspechado sa pagbadil, gadan, kan limang residentes kan Aroroy, Masbate kan sarong semana.

An pulis nag-sangat na nin casong murder contra ki Nelson Asada asin lima pang mga kasapakat, na hasta ngonian dai pa nadadakop.

Sinabi sa report na hale sa Camp General Simeon Ola na may grupo nang naghahanap sa mga suspechado na pwedeng nakadulag pa pasiring sa ibang lugar.

Base sa imbestigasyon, si Asada, Rickymar Cabarles, an saiyang tugang na si Ruben, Edan Amparo asin si Vicente asin Rofena, anas may apelyedong De La Cruz, asin residentes kan Brgy. Nabongsoran, an nagpa-arak-asak nin kan saindang badil sa harong ni barangay Kapitan Leo Cabarles mantang an mga biktima nag iirinoman digdi.

An mga nagadan iyo an akin i Cabarles, na si Jeo, 21, Ariel Madrilejos, 29, Brgy. Tanod, asin Ricky Alejo, John Paul Cristobal, 19, an bagong elehidong consejal sa Sangguniang Kabataan asin si Dijie Cabarles, 31.

Segun sa report kan pulis, madali na nabisto an mga suspechado sa paagui kan mga retrato na ipinaheling sa mga testigo.

Nagluluwas na an mga biktima asin mga suspechado mag pirinsan.

Pig aaram pa an motibo kan krimen.






Share:

Featured Post

LGU Naga City, stricto sa mga paputok

NAGA CITY (Bicol Standard) -- Pig orolayan kan mga oficial kan LGU Naga asin an 27ng Punong barangays kan Ciudad an mga estratihiya par...