Wednesday, June 27, 2018

Lalaki binadil sa Magallanes, Sorsogon


LEGAZPI CITY- Mayo nang huraw incidente nin garadanan sa Provincia kan Sorsogon, an pinakabago nangyari kasubagong aga, sabi sa report kan pulis.

Si Bong Tobias, 48 anyos an edad, residente kan Sitio Binalyuhan, Brgy. Caditaan, Magallanes, Sorsogon an ipig report na binadil, gadan kan dai pa nabibistong tawo.

Segun sa sumbong sa pulis ni Jimmy Cadales y Madaraso, Brgy. Kagawad kan Caditan, an biktima nagsapo nin mortal na mga tama nin bala sa saiyang lawas.

Hastang sinusurat an baretang ini, dai pa nabibisto an criminal.

Afuera sa tad-tad nang caso nin garadanan sa Sorsogon, nadidifisilan pa guiraray an mga awtoridad na determinaran an causa kan serye nin garadanan.

Enot kaini, nagkapira nang tawo an ginadan sa Sorsogon, na an sabi kan mga imbestigador, pwedeng nin huli sa problema sa insurgencia asin sa ilegal na droga.

Mayo pa nin oficial na pahayag an mga awtoridad sa barangay na ini.

Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...