Thursday, June 14, 2018

'Hot meat’ kinumpiscar


LEGAZPI CITY (Bicol Standard) –Kinumpiscar kan mga tawohan kan National Meat Inspection Service (NMIS) asin Opisina kan Veterinaryo digdi an maabot sa 100 na kilo nin carne na pig titinda sa saod asin stalls sa wet market na dai nagsunod sa tamang reglamento kan gobierno.

Segun sa pahayag ni Dr. Emmanuel Estipona, an Veterinaryo kan ciudad, naglibot an saindang mga tawohan tangani na verificaron an report na may mga para tindang carne na dai nag susunod kan standard na pig boboot kan gobierno.

An kadaklan kan mga kinumpiscar mga carneng orig asin manok hale sa dakulang mall asin sa nagkapirang mga stall sa mercado publiko.

Ipinahayag ni Dr. Estipona na an pigbalgang ley iyo an Republic Act No. 10536 (Meat Inspection Code of the Philippines), na nagsasabi na an internal na temperature para sa mga “frozen meat," dapat sa pag oltanan kan saro hasta limang degrees Centigrade, para dai tamaan nin bacteria.

Segun pa sa opisyal, nagkapirang beses na sindang nagpatanid sa mga nagtitindang carne na sunodon nin maray an pig boboot kan ley ta kun dai, seguradong kukumpiscaron ini kan saindang mga tawohan.

An mga nakumpiscar na mga carne dinara sa sarong lugar para ilubong, tanganing dai na pakinabangan.
Share:

Featured Post

Bicol Central Station to launch online booking and payment portal this week

NAGA CITY (Bicol Standard) – The Bicol Central Station will launch on August 23 its Online Booking and Payment Portal as part of the st...