Tuesday, June 12, 2018

FLASH | MTC Judge Begino, binadil; binawian nin buhay


NAGA CITY (Bicol Standard) – Binawian nin buhay si MTC Judge Ricky Begino, segun sa informasyon na naguno kan Bicol Standard sa NICC, ngonian pa sana.

Sabi sa report ni Oscar Esmenda kan BBS FM nawaran nin hinangos an huwes alas 8:30 nin bangui, sa emergency room kan nasambit na hospital.

Si Judge Begino binadil kasubagong hapon, sa Zone 3, Brgy. Sta Maria, Presentacion, Camarines Sur, alas 5:00 nin hapon.

Siya an MTC Judge sa San Jose, Lagonoy asin Presentacion, Camarines Sur.

An nagbadil sa huwes iyo si Wilfredo Armea kan nasambit na banwaan.

Sa inisyal na report, an suspechadong si Armea may piglalamag na lalaki na luminaog sa harong ni Begino.

Pagbukas kan pwerta, pinaputok tulos kan suspechado an badil, asin an tinamaan an huwes.

May tama siya nin bala sa liog asin sa lawas.

Pighahanap pa kan mga autoridad an suspechado sa oras na sinusurat an baretang ini.
Share:

Featured Post

LGU Naga City, stricto sa mga paputok

NAGA CITY (Bicol Standard) -- Pig orolayan kan mga oficial kan LGU Naga asin an 27ng Punong barangays kan Ciudad an mga estratihiya par...