Monday, June 11, 2018

Firetruck kan Paracale nawawara


DAET, CNorte (Bicol Standard) -- Nagbilog nin grupo an Provincial Fire Marshal kan Bureau of Fire Protection kan Camarines Norte na ma-imbestigar kan nawawarang firetruck kan BFP-Paracale, Camarines Norte.
Sabi ni F/Supt, Felix Lucio Guevarra Jr., nagpaluwas na siya nin Office Order na masiyasat kun ano an nangyari asin sisay an mga may dapat simbagon sa issue na ini.
An namamayo kan BFP sa Paracale iyo si SFO1 Francisco Laborte hinagadan man nin paliwanag dapit sa bagay na ini.
Hasta sa panahon na sinusurat an baretang ini mayo nin informasyon kun saen napaduman an firetruck. Hinahanap ngonian an may pangaran na Vincent, empleado kan LGU Paracale, na iyo an sinasahotan na nagkua kan awto hale sa talyer sa Daet, Camarines Norte kan Mayo 31.
An firetruck yaon sa talyer tanganing ipahirahay.
Segun ki Guevarra, igwa nan in composite sketch an pulis kan lalaki na nagkua kan awto, para maaraman kun yaon saen siya ngonian asin tanganing imbestigaran.
Idinagdag ni Guevarra na may natada pang duwang firetrucks sa BFP Paracale, na iyo an saindang reserve, en caso magkaigwa nin kasulo sa lugar.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...