Friday, June 15, 2018

Electric facility office sa San Pascual, Masbate, sinalakat?


MASBATE (BICOL STANDARD) Mayo pa nin ideya an mga awtoridad kun sisay an mga nasa likod kan pagsalakat sa opisina kan local electric facility sa Brgy. Bolod, San Pascual, Masbate.

Segun sa pulis nag osip si Benjamin Barrios, administrador kan San Pascual Local Electric Facility (SPLED), linaog nin mga para salakat an saindang opisina, sa paagui kan rangka kan mga grills na gibo sana sa materiales na kahoy.

Nadara kan para habon an kantidad P52,000 na parte kan nacolleta nindang cuarta hale sa mga consumedor nin kuryente asin sarong cellphone.

Sa panahon na sinusurat an baretang ini, nagpapadagos an imbestigasyon kan mga awtoridad, sa paagui nin pakihumapot sa mga tawo na nag-eestar sa kataid na lugar na sinambit na opisina.

Habo pang magtao nin ibang detalyes an mga imbestigador.

Afuera kan posibleng pagsalakaw kan opisina, nagkapirang iba pang angulo an inaadalan ngonian kan mga nag sisiyasat kan pangyayari.

Naghagad nin dikit na panahon an mga awtoridad para mapahiwas ninda an imbestigasyon.
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...