Sunday, June 17, 2018

Babae hinuldup nin P92,200 sa Guinobatan, Albay


LEGAZPI CITY 6/17/18 (BICOL STANDARD) Tinabag kan mga dai nabistong holduppers an kantidad P93,200 hale sa kagsadire kaini na si Marilyn Carpe y Pefano, 42 anyos, na residente kan Morga Hills, Brgy. Inamnan Grande, Guinobatan, Albay kasuodmang hapon.

Kabale sa nasambit na kantidad an iba pang mga bank cards, llave, asin sarong unit na cellphone, na nakabugtak sa bag na pwersang rinabsing kan dai nabistong lalaki.

May armas na badil an suspechado kan mangyari an incidente, na itinutok sa lawas kan biktima, kaya bwelo siyang naka gibo kan krimen.

Nangyari an incidente sa Brgy. Lower Binogsakan, Guinobatan, Albay, poco mas o menos alas 4:40 nin hapon, kasuodma.

Mayo nin nakabisto kan holdupper, na marikas nagdulag parayo sa biktima.

An PNP Guinobatan an may kapot kan kasong ini.
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...