Saturday, June 2, 2018

47 anyos na lalaki sinaksak, binawian buhay



TIGAON, CSur –Sarong 47 anyos na lalaki an binawian nin buhay kan siya saksakon kan suspechadong si Ramin Borigas y Rodriguez, 40 anyos, soltero, asin residente kan Zone 4, Brgy. Coyagyao sa banwaan na ini.

Nangyari an krimen kan Hunyo 1, poco mas o menos alas 4:00 nin hapon.

An sabi kan mga imbestigador, an biktima iyo si Roberto Tenoso y Obias, 47 anyos, soltero, residente kan kapareyong barangay kan suspechado.

Sabi sa pag siyasat, nag poon an krimen kan magkaigwang diskusyon an biktima asin an suspechado, kan amay na parte kan Hunyo 4.

Ipinahayag sa report na an bitima nagpasiring sa harong kan suspechado na mainit na payo, asin medyo nagbabalinghaw.

Hinanap niya an suspechado na dai man inabotan sa saindang harong. Huli kaini, nagbalinghaw an biktima sa paagui nin pagparataga kan poon nin batag sa may harong kan suspechado.

Makalihis an nagkapirang oras, aksidenteng nagkasumpongan an suspechado asin an biktima na tulos nagkaigwa nin diskusyon.

Sinaksak kan suspechadong si Borigas si Tenoso, na iyong naging dahilan kan saiyang kagadanan.

Nag coconducir pa nin imbestigasyon an mga pulis para aramon kun ano an guinikanan kan makangirhat na krimen.

Nagsuko man tulos sa mga awtoridad an suspechado na yaon ngonian sa laog kan carcel kan banwaan na ini.

Mientrastanto, pig pepreparar pa kan mga awtoridad an magkakanigong kaso contra sa suspechadong nagsaksak sa biktima.
Share:

Featured Post

Use money wisely, UltraLotto 6/58 winners told

Philippine Charity Sweepstakes Office (PCSO) General Manager Alexander Balutan has advised the two lucky winners of the P1.1 billion to u...