Monday, June 25, 2018

3ng pusikit na holduppers nabadil kan pulis


NAGA CITY (Bicol Standard)—Pig confirmar kan Provincial Office kan PNP sa Camarines Sur na tulong personas an nagadan sa ginibong sarabay na operasyon kan mga awtoridad digdi, kan sarong aldaw.

Nagpahayag si P/Supt. Ruben Padua, an hafe kan Provincial Drug Enforcement Enforcement Unit (PDEU) sa Camarines Sur na kabale sa mga binawian nin buhay iyo si Roy Nathan Ignacio, an pig coconsiderar na No. 1 sa listahan kan mga drug personalities sa Brgy Binalay, Tinambac, Camarines Sur

Sabi kan pulis, naki badilan sa mga awtoridad an nagadan, mantang nagpapadagos an saindang operasyon.

Siring man, nakagadan sa suway na operasyon an duwang miembros kan Sta. Ana Robbery asin Hold-up Criminal Gang, na iyo sinda Jonal Llames asin Enrique Sta. Ana, na arog kan enot enot, naglaban man.

Si Llames asin Sta. Ana, pareyong mayor na suspechado sa serye nin mga holdups sa Calabanga, Tinambac, Goa, asin mga pagtaraid na mga banwaa.

May mga reports na igwa pa nin mga incidendente nin holups na ginibo an saindang grupo sa Ciudad Nin Naga.

Nagluluwas sa pahayag kan mga imbestigador na mahalnas na maray sa pulis an mga holduppers nin huli ta aram na ninda an mga pasikot-sikot na mga agihan sa sinambit na mga banwaan.

Haloy na man sindang naka timbre sa mga pag taraid na banwaan, asin kan Viernes sana sinda na timingan kan pinag saradong grupo kan PDEA asin pulis.

Pig coconsiderar sindang mga peligrosong tawo nin huli ta armado nin man laen-laen na clase nin armas sa lambang operasyon kan grupo.

Share:

Featured Post

San Miguel Bay Writers Workshop now open to applicants

The Central Bicol State University of Agriculture- Calabanga College of Education in cooperation with The Writers Project and Parasu...