Monday, June 25, 2018

3ng lalaki nakuang gadan sa Ragay


NAGA CITY (Bicol Standard) – Naghahagad nin justicia an nabayaan na familya kan tulong lalaki, na nakotkot sa hababaw na lubongan sa Brgy. Patalunan, Ragay, Camarines Sur kan Viernes na hapon.

Sa ipaabot na informasyon ni Ariel De Guzman y Ranola, residente kan nasambit na lugar, nagduda siya na posibleng sa saiyang daga ilinubong an nawawarang mga lalaki na nawawara kan nakalihis na bulan na Mayo.

Nin huli sa tabang ni Punong Barangay Elisa Francisco y Literal, nadiscubre na an tulo manangad na bangkay na nakalot sa hababaw na kalot iyo an nawawara na mga lalaki, na nabisto sa pangaran na Robero Ramos y Naris, 30 anyos, Ronel Naris, 28 anyos, asin Antonio Bonagua y Delos Reyes, 19 anyos.

Anas sinda residente kan Barangay Patalunan, Ragay, Camarines Sur.

An barangay Patalunan sarong pwerang barangay sa Ragay, Camarines Sur na bistadong territoryo kan mga maka walang grupo, an New People’s Army (NPA).

Segun sa sumbong kan sarong informante, an tulong bangkay nagkokopras sa lugar kan sinda nawarara kan fecha 13 kan Mayo, 2018.

Dinara tulos sa Rural Health Unit kan banwaan na ini an nag-rurugnas nang bangkay para sa post mortem examination.

Nin huli sa sinambit na pangyayari, naghahagad nin tabang an familya kan mga gadan na matawan sinda nin justicia.

Mayo nin makapagsabi kun sisay an responsible sa saindang kagadanan.

Ipinahayag kan pulis sa Ragay na nagpapadagos pa an saindang pag siyasat kan incidente.

Share:

Featured Post

DOLE assures stable employment situation

Following the release of results of the Social Weather Stations (SWS) survey on joblessness, Labor Secretary Silvestre Bello III assu...