Thursday, June 7, 2018

36 na Universidad asin Colegio sa Bicol, mapalangkaw tuition


LEGAZPI CITY (Bicol Standard) -- Inaprobaran na kan Commission on Higher Education (CHED) kan sarong aldaw pagpalangkaw nin singil sa tuition fees sa 36 na private asin government colleges asin universities sa Bicol Region ngonian na school year.

Segun ki Dominador Mediavillo, an Regional Administrative Officer kan Ched sa Bicol, inaprobaran na kan saindang central office sa Manila an kahagadan kan mga eskwelahan, asin i-iimpelementar na ngonian na school year.

34 digdi an mga private asin 2 an community colleges, na nasa lindong kan supervision kan local na gobierno. An mga Universidad asin colegio naghagad sa CHED na mag implementar sinda nin poon sa 5 hasta 50% na increase sa tuition fees para sa sweldo kan mga paratukdo, personnel, pagpakaray kan saindang mga gamit asin laboratories asin may dikit na porciento na itinagama sa return of investment.

An mga eskwelahan namumugtak sa Camarines Sur, Albay, Sorsogon, Camarines Norte, Masbate asin Catanduanes.

An tuition fee increase para sa kada unit para sa school year 2018 -2019, poon P25 hasta P150.
Share:

Featured Post

NIA inaugurates P74-M pumping station in Camarines Sur

Ricefield in Bicol Bicol Standard file photo NAGA CITY (Bicol Standard) – No less than 1,728 farmers and their families in Camarines S...