Friday, June 15, 2018

3 parakabod bulawan arestado sa Paracale


DAET, CNorte (Bicol Standard) Tulong parakabod nin bulawan an inarestar kan pinag sararong tawohan kan 2nd Camarines Norte Provincial Mobile Force Company asin Paracale Municipal Police Station sa saindang operasyon kan Hunyo 14, 2018 sa Purok 1, Brgy. Tugos, Paracale, Camarines Norte.

An mga dinakop kan mga awtoridad na sinahotan na imbuelto sa illegal na pagkabod nin bulawan iyo sinda Randy Balon y Castillo, 28 anyos, soltero; Reymong Rodriguez y Buela, 26 anyos, pareyong residente kan Purok 2, Brgy. Capacuan, Paracale, Camarines Norte asin si Lorenzo Paytan y Fernandino, 30, soltero, taga Purok 7, Brgy. Tawig, Paracale, Camarines Norte.

An tulong personas na nasambit an may inaatubang na Warrant of Arrest na firmado ni Judge Roberto A. Escaro kan RTC Branch 38, sa Daet, Camarines Norte.

An casong pig aatubang ninda iyo an pagbalga kan Section 102, R.A. 7942 (Illegal Mining), na may fecha Mayo 15, 2018, asin may Criminal Case No. 18865.

An jusgado may pig rekomendar na fianzang kantidad P5,000 an kada saro sa sainda.

Nagluluwas na higot ngonian an kampanya kan gobierno kontra sa illegal na pagbabod sa lugar na ini.
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...